01 Tilgangur

Vagnhlutinn er eins og nafnið bendir til notaður í vögnum og er tilgangur hans að sannreyna hvort farþegar með CTS kort hafi gildan farmiða á kortinu sínu, ef svo er þá að mynda aðsóknarfærslu og lækka inneign korts í þeim tilvikum sem það á við, ef engin gildur miði þá að hafna aðgangi. Eftirfarandi er þekkt fyrir hverja aðsóknarfærslu: Dagur, tími, biðstöð innstigs, áfangastaður, rafrænn miði/takki sem notaður var og upplýsingar um korthafann.
Halda einnig utan um alla aðsókn farþega sem ekki nota CTS kort og þar er einnig þekkt pr. færslu; dagur, tími, biðstöð innkomu, áfangastaður og flokkun (takki).
Vagnhlutinn sér einnig um að senda allar aðsóknarupplýsingar í miðlægan gagnagrunn CTS kerfisins.

02 Ræsiforrit

Þegar kveikt er á vagntölvunni birtist sjálfkrafa valmyndin hér að neðan; sem inniheldur 4 hnappa/aðgerðir sem notandi getur valið. Tilgangur og virkni hverrar aðgerðar er eftirfarandi:

[Ræsa]: Þennan hnapp þarf bílstjóri að velja til að ræsa Vagnhluta kerfisins.
[Uppfæra]: Þessi hnappur er valinn ef útgáfa Vagnhlutans er gömul þ.e. nýrri útgáfa er til miðlægt hjá Curron. Við að velja hnappinn sækir ræsiforritið nýjustu útgáfu af Vagnhluta kerfisins og vistar á tölvuna; við næstu ræsingu er sú útgáfa ræst.
[Setja sjálfvirkt]: Stýrikerfi tölvunar eru send skilaboð um að ræsa skuli þennan hugbúnað sjálfvirkt í hvert skipti sem kveikt er á tölvunni.
[Setja réttan tíma]: Mögulegt er að dagsetning tölvunnar sé röng, t.d. ef hún er eldri en 2013 þá sækir ræsiforritið sjálfkrafa rétta dagsetningu á netþjón CTS. Til að það takist verður forritið að ná netsambandi, ef það næst ekki þá er dagsetning ennþá röng. Með því að velja hnappinn reynir forrið aftur að sækja réttan tíma, þetta er hægt að endurtaka þar til netsamband næst og dagsetningin er lagfærð. Mikilvægt er að halda ekki áfram nema dagssetning og tími séu rétt.

03 Uppsetningarmynd

Í upphafi þegar Vagnhlutinn er settur upp í fyrsta sinn á vagntölvu birtist uppsetningarmyndin hér að neðan. Þar þarf m.a. að stilla hvar kortalesarinn er tengdur og hvar GPS tækið er tengt. Almennt er lesarinn á com4 og GPS Hægt er að stilla á emulated sem gerir mögulegt að nota stjórnhlutann til að herma eftir akstri með því að smella á biðstöð, við það eru GPS hnit valinnar biðstöðvar sendar á vagnhlutann. Með þessu móti er hægt að prófa Vagnhlutann án þess að hann sé í vagni á keyrslu milli biðstöðva. á com3.

IP talan á netþjóni Crron er t2.curron.is og port er 4045.

Ef það er ekki búið að virkja útstöðina þá þarf að finna númer hennar í Stjórnhluta BUS, skrá það og velja síðan hnappinn [Virkja]. Við það tengist forritið og tengir þessa útstöð o.fl.
Ef hakað er í reitinn Debug þá birtast auknar upplýsingar á „KeyrslumyndKeyrslumynd" við notkun kerfisins. Ekki notað nema verið er að fylgjast með virkni kerfisins.
Tryggja þarf að allar stillingar séu réttar.
Tilgangur og virkni aðgerðarhnappanna er eftirfarandi:

[Neyða update] ef grunnupplýsingum er breytt á netþjóni Curron s.s. biðstöðvum, leiðum, gjaldsvæðareglum, miðum, þá veit forritið af því og breytingarnar eru sóttar og vistaðar á vagntölvuna. En með þessum hnapp eru grunnupplýsingarnar sóttar óháð hvort breytingar hafa verið gerðar eða ekki.
[Setja] hnappurinn er valinn til að vista skráðar stillingar.
[Prófanir] þessi hnappur er notaður af starfsmönnum Curron við að sannreyna virkni kortalesara, GPS tækis og 3G beinis.
[Áfram] þessi hnappur er valin til að loka myndinni og halda áfram.

Grunnmynd

Eftir að stillingar hafa verið skráðar í Uppsetningarmynd birtist Grunnmyndin hér að neðan í hvert sinn sem Vagnhlutinn er keyrður, en hún birtist aðeins í örfáar sekúndur og fer sjálfkrafa yfir í Innskráningarmyndina ef enginn hnappur er valinn.

Á meðan Grunnmyndin birtist er hægt að ýta strax á neðangreinda hnappa og koma þannig í veg fyrir sjálfkrafa birtingu Innskráningarmyndarinnar.

[Stillingar]: ef þessi hnappur er valinn birtist UppsetningarmyndUppsetningarmynd og hægt er að breyta stillingum hennar.
[Senda gögn]: ef þessi hnappur er valinn eru notkunargögn send í miðlægan gagnagrunn CTS kerfis Curron og að því loknu birtist Innskráningarmyndin.

[Kalla á hjálp]:ef þessi hnappur er valin birtist

Útskráning / hætta

Þegar vagnstjóri hættir notkun á kerfinu þá þarf hann aðeins að bera CTS kortið sitt að kortalesaranum, við það hættir forritið í keyrslumyndinni og kannar hvort eftir sé að senda notkunarfærslur í miðlægan gagnagrunn CTS. Ef svo er þá birtist skjámyndin „Sending gagna" og þar þarf notandi endilega að velja hnappinn „Já" til að senda gögnin (sjá viðkomandi aðgerð). Að því loknu getur hann slökkt á tölvunni.

Hjálparvalmynd þar sem bílstjóri getur sent hjálparbeiðnir beint til Curron.
[Keyra]:ef þessi hnappur er valinn birtist Innskráningarmyndin og bílstjóri getur innskráð sig í Vagnhlutann.
[Loka forriti]:ef þessi hnappur er valinn er hætt í Vagnhlutanum og Innskráningarmyndin birtist ekki heldur „desktop" mynd vagntölvunnar.

Innskráningarmynd

Við innskráningu þarf að byrja á að velja hvaða vagni þessi útstöð (tölva) er í. Síðasta val geymist þannig að aðeins þarf að velja vagn ef breyta þarf síðasta vali. Það er gert með því að ýta á bláahnappinn neðst á myndinni til vinstri með nafni vagnsins (hér=„Jóa Jeppi").
Ef forritið er að keyra í fyrsta skipti og þ.a.l. ekkert seinasta val í boði þá birtist textinn [Velja vagn] í staðinn fyrir nafn vagns.
Ef hnappurinn er valinn birtist listi yfir vagna sem stofnaðir hafa verið í kerfinu og notandi getur valið úr listanum með því að ýta á nafn viðkomandi vagns.

Eftir að réttur vagn hefur verið valinn þarf bílstjóri að innskrá sig í Vagnhlutann, en það gerir hann með því að bera CTS kortið sitt að kortalesaranum í vagninum sem er tengdur við tölvuna. Ef kortið er tengt við virkan bílstjóra birtist myndin hér til hægri og bílstjóri þarf að velja hnappinn [Áfram] til að ljúka innskráningunni og við það birtist Leiðarvalmyndin.

Leiðarvalmynd

Á leiðarvalmyndinni birtast allar þær leiðir sem stofnaðar hafa verið í kerfinu. Leið er valin með því að smella einu sinni á viðkomandi leið. Ávallt er hægt að fara aftur í þessa valmynd úr Keyrslumyndinni og breyta um leið (sjá Keyrslumynd > Breyta um leið ).

Keyrslumynd

Sjá Keyrslumyndina hér fyrir til hliðar, efst í henni birtist sú leið sem valin hefur verið, í línunni þar fyrir neðan birtist áfangastaður sem síðast var valinn, í línunni með textanum „Tilbúin til notkunar" birtist heiti miða sem notaður var síðast ásamt gildistíma hans eða heiti takka ef síðasti farþegi notaði ekki CTS kort.
Þar fyrir neðan til hægri birtist heiti á þeirri biðstöð sem vagn er nú á, í þessu tilviki Olís fellabæ.

Ef Takkar hafa verið skilgreindir fyrir aðsókn án CTS korta, t.d. fyrir staðgreiðslu birtast þeir í línunni þar fyrir neðan eins og sjá má á myndinni hér til hægri.
Aðeins þarf að ýta einu sinni t.d. á hnappinn [Fullorðnir stgr.] fyrir hvern fullorðinn farþega sem staðgreiðir.
Ath. ekki þarf að ýta fast á skjáinn og alls ekki með oddhvössum hlut.
Ef akstri er lokið ber vagnstjóri kortið sitt að kortalesaranum og birtist þá Grunnmyndin, áður birtist upplýsingargluggi þar sem fram kemur fjöldi færsla sem ósendar eru og spurt er hvort senda eigi færslurnar í miðlægan gagnagrunn CTS, mælt er með að velja Já en við það eru færslurnar sendar og að því loknu birtist Grunnmyndin.

Breyta um Leið

Ef breyta á um leið þarf bílstjóri aðeins að ýta á heitið á leiðinni, við það birtist listi yfir leiðir sem stofnaðar hafa verið í kerfinu (sjá hér til hægri) og hægt er að velja eina úr listanum með því að smella á hana með fingrinum. Þegar ný leið hefur verið valin birtist heiti hennar í Keyrslumyndinni.

Núverandi stöð, Næsta stöð

Á keyrslumyndinni er hægt að sjá á hvaða stöð vagninn er staddur á og milli hvaða svæða er verið að fara. Þessar upplýsingar má finna neðarlega hægra meginn á skjánum.

Annaðhvort kemur heiti á einni biðstöð eins og sjá má á fyrri myndinni eða heiti á tveimur biðstöðvum eins og sést á seinni myndinni þ.e. frá biðstöð og til biðstöðvar. Sjá rauðu örvarnar.
Línan fyrir neðan heiti biðstöðva sýnir á milli (eða innan) hvaða gjaldsvæða er verið að aka, þ.e. „Frá {Upprunasvæði} til {Áfangasvæði}.
Ef nafn á einni biðstöð er birt þá er vagninn á viðkomandi stöð en ef nafn á tveimur biðstöðvum birtast þá merkir það að vagninn er lagður af stað frá fyrri biðstöðinni og er á leið á næstu biðstöð sem er í þessu tilviki „Hamragerði" en fyrri biðstöðin er „Flugvöllur".

Breyta um Áfangastað

Ef breyta á um áfangastað þarf bílstjóri aðeins að ýta á heitið á áfangastaðnum, við það birtist listi yfir alla mögulega áfangastaði. Þegar nýr áfangastaður hefur verið valin birtist heiti hans í Keyrslumyndinni.
Eins og komið hefur fram í Stjórnhlutanum geta miðar verið merktir að spyrja eigi um áfangastað, ef slíkur miði er á CTS korti farþega birtist sjálfkrafa listi yfir áfangastaði og bílstjóri þarf að velja viðeigandi áfangastað sem farþegi ætlar á. Að því loknu þarf farþeginn að bera CTS kortið sitt aftur að kortalesaranum. Ástæða fyrir þessu er að áfangastaðurinn hefur áhrif á gjaldtökuna t.d. ef Farmiði 10 skipti er á kortinu þá er inneignin lækkuð um mismörg skipti eftir hvaða áfangastaður er valinn.

Skipta um birtustig á skjá / dag- og næturlitir

Þegar dimmt er úti getur lýsing frá skjá verið truflandi fyrir bílstjóra vegna mikillar birtu frá skjánum. Hægt er að breyta birtustiginu í skjánum með því að smella á skjáinn utan allra hnappa, við það skiptir skjárinn yfir í næturliti,

En með því að smella aftur á skjáinn utan allra hnappa skiptir skjárinn aftur yfir í dagsliti.

Aðsókn með CTS korti

Aðsókn með CTS korti er mynduð þegar CTS kort með gildum miða er borið upp að kortalesara. Hægt er að skilgreina fyrir ferðir milli gjaldsvæða hvaða miðar gilda, hversu marga miða þarf og hvort rafrænn skiptimiði er myndaður á CTS kort farþega og hve lengi hann á að gilda. Einnig er hægt að skilgreina hvort spurt sé um áfangastað þegar kort með ákveðnum miðum er borið að kortalesara, allt eftir óskum viðskiptavina.
Þegar kort er borið upp að kortalesara geta komið margvísleg skilaboð á miðhluta Keyrslumyndarinnar. Ef skilaboðin eru með grænum bakgrunn þá hefur miðinn verið samþykktur og aðsóknarfærsla verið mynduð, ef þau eru rauð þá hefur kortinu verið hafnað. Ef miði er skilgreindur svo að spyrja skuli um áfangastað kemur upp valmynd eins og sjá má í kaflanum [Breyta um ÁfangastaðBreyta um Áfangastað]. Þá skal velja áfangastað og bera kort aftur upp að lesara.

Möguleg skilaboð

Möguleg skilaboð eru eftirfarandi:

{Miði} {Upprunasvæði} – {Áfangasvæði}
1. T.d Skiptimiði Egilsstaðir – Reyðarfjörður. Þessi skilaboð koma upp þegar gildur skiptimiði er notaður.
Notaði {X} skipti af {Miði}. Inneign nú {Y}
1. T.d. Notaði 1 skipti af Skiptamiði. Inneign nú 19. Þessi skilaboð koma þegar gildur skiptamiði er notaður.
{Miði}
1. T.d. Alcoa samningsmiði. Kemur þegar gildur svæða eða samningsmiði er notaður.
Engir gildir miðar á korti
1. Kemur þegar engir gildir miðar finnast á kortinu að völdum áfangastað.
Óþekktur miði
1. Kemur þegar allir miðar á korti eru óþekktir.
Kortasnið óþekkt
1. Getur komið ef kort fer úr sviði áður en lestur þess er lokið eða ef að kortið er ekki CTS kort. Gott er að reyna aftur með því að bera kort að kortalesara ef þessi skilaboð birtast.
Gildistími ekki hafinn
1. Kemur ef gildistími miða á korti er ekki hafinn og enginn annar gildur miði er á kortinu.
Kortið er útrunnið
1. Kemur ef gildistími kortsins sjálfs er útrunnið.
Kortinu hefur verið lokað
1. Kemur ef kortinu hefur verið lokað sem er gert ef Curron berst beiðni um að loka kortinu t.d. ef það hefur týnst.
Kortið var nýlega notað
1. Kemur ef kort hefur nýlega verið notað þ.e. kortið var notað í þessum vagni fyrir innan við 5 mínútum. Ekki er hægt að nota kortið í sama vagni oftar en einu sinni nema minnst 5 mínútur séu frá fyrri notkun. Tilgangur þessa er að koma í veg fyrir mögulega misnotkun.
Ekki hægt að nota {Miði} hérna. Gildir á {X}
1. Kemur þegar reynt er að nota svæðamiða sem gildir ekki frá núverandi biðstöð á valinn áfangastað. Hér er {X} listi af gildum svæðum sem viðkomandi miði gildir á.
Ekki hægt að nota {Miði} héðan. Gildir á {X}
1. Kemur þegar reynt er að nota svæðamiða yfir á svæði sem svæðamiðinn gildir ekki á. Hér er {X} listi af gildum svæðum sem viðkomandi miði gildir á.

Gat ekki unnið með kort
1. Kemur ef ekki tekst að vinna með kort t.a.m. draga miða af skiptamiða. Hugsanlega hefur kortið verið haldið of stuttan tíma að kortalesaranum, gott að reyna aftur.
Óþekktur samningur {númer samnings}
1. Kemur ef kort inniheldur samningsmiða með óþekktum samningi og enga aðra gilda miða.
Ónóg inneign á {Miði}
1. Kemur ef kort inniheldur skiptamiða með ónógri inneign og enga aðra gilda miða.
{Miði} rann út {Dagsetning}
1. Kemur ef kort inniheldur útrunninn miða og enga aðra gilda miða, þ.e. gildistími miðans er útrunninn. Ath. allir rafrænir miðar hafa gildistíma, einnig skiptamiðar.

Aðsókna án CTS korts / takkar

Hægt er að stofna einn eða fleiri hnappa fyrir farþega sem ekki nota CTS kort. Tilgangur þessa er að halda utan um alla notkun þessa hóps, jafnframt er hægt að láta kerfið birta verð fyrir staðgreiðslu. Verðið getur verið breytilegt eftir áfangastað farþega.
Hægt er að stýra birtingu takka eftir hvort leið er innan sama gjaldsvæðis eða milli tiltekinna gjaldsvæða.
Á meðfylgjandi mynd hefur verið ýtt á takkan [Fullorðnir stgr.] og birtast þá græn skilaboð „Fullorðnir stgr. 400 kr" ásamt því að aðsóknarfærsla hefur verið mynduð.

Notkunarsaga

Vagnhlutinn heldur utan um 100 síðustu aðsóknarfærslur og er hægt að skoða þær.
Til að gera það þarf að smella á miðjuhluta Keyrslumyndar, þar sem stendur „Tilbúinn til notkunar" á skjámyndunum hér á undan. Athugið að önnur skilaboð geta staðið þarna sem fara eftir síðustu notkun, t.d. á skjámyndinni hér að ofan= „Fullorðnir stgr. 400 kr" .
Við skoðun birtist fyrir hverja aðsóknarfærslu tími, miði sem notaður var og kortanúmer, ef takkar notaðir þá aðeins tími og heiti/skýringartexti hnapps.
Hér er hægt er að fletta fram og til baka með hnöppunum [<] til baka og [>] áfram, einnig er hægt að kanna hvort CTS kort hafi verið notað nýlega með því að bera það að kortalesara, við það leitar forritið að aðsóknarfærslu sem tengist kortinu og birtir ef færsla finnst.

Hleðslur

Til að korthafi geti notað rafrænan farmiða verður miðinn að vera vistaður á kortið hans. Í sumum tilvikum getur korthafi verið búinn að kaupa farmiða eða honum verð úthlutað farmiða en miðinn er ekki ennþá kominn á CTS kortið hans. Dæmi um þetta er t.d. þegar korthafi kaupir farmiða í vefverslun þá verður til „hleðsla" í miðlægum gagnagrunni CTS kerfisins sem segir að viðkomandi farmiði eigi að fara á tiltekið CTS kort, fyrr getur korthafinn ekki notað farmiðann. Þannig að þegar viðkomandi kemur í strætisvagn þá er farmiðinn ekki kominn á kortið hans og hann fær ekki aðgang, en nú getur hann upplýst vagnstjóra að hann eigi hleðslu á kortið sitt. Vagnstjóri ýtir á hnappinn „Hleðslur" og skilaboð birtast um að setja kort í lesarann.

Við að setja kortið í lesarann tengist vagntölvan miðlægum gagnagrunni CTS og kannar hvort viðkomandi kort eigi hleðslu. Ef ekki þá birtist viðeigandi athugasemd og enginn miði er settur á kortið.

Ef aftur ámóti til er hleðsla á kortið þá er hleðslan afgreitt þ.e. miðar samkvæmt hleðslunni eru settir á kortið, og viðeigandi upplýsingar birtast – sjá mynd til hægri.

Þegar miðinn er kominn á kortið getur hann borið kortið aftur að lesaranum til að fá aðgang.

Teljari

Bætt hefur verið við teljara sem birtist í þessum takka.
Í hvert skipti sem kort er notað við innstig þá hækkar þessi tala um 1, hún hækkar einnig um 1 í hvert skipti sem innstigshnappur er valinn þ.e. „Staðgreitt", „Miði" og „Eldra kort".
Þannig að þessi tala sýnir hversu margir farþegar hafa komið inn í vagninn, óháð hverjir hafa farið úr vagninum. Síðan getur vagnstjóri sett teljarann aftur á 0 með því að ýta á takkann og hefst þá talningin aftur á 0.

Útskráning / hætta

Hjálparvalmynd

Í Hjálparvalmyndina er hægt að komast með því að smella á hnappinn [Kalla á hjálp] úr Grunnmynd. Hér er hægt að velja hvað sé í ólagi eins og sjá má á myndinni hér til hægri.

Ef tekst að senda aðstoðarbeiðni þá kemur þessi skjámynd hér að neðan. Forritið hefur þá opnað fyrir tæknimenn Curron þann möguleika að geta tengst inn á tölvuna og stjórnað henni.
Þegar skjámyndin er komin upp er nauðsynlegt að hringja í Curron eins og skilaboðin segja og við munum vinna að lausn málsins.

Sending Gagna

Gögn um öll innstig eru geymd miðlægt í gagnagrunni CTS kerfisins. Á meðan notkun vagntölvunnar stendur safnast gögnin upp í tölvunni og eftir er að senda þau. Mikilvægt er að senda gögnin í hvert skipti sem kerfið birtir textann „Tölvan inniheldur xx færslur. Viltu senda þær núna?". Það er gert með því að velja hnappinn [Já] á efri myndinni.
Þessi spurning birtist t.d. í hvert sinn sem bílstjóri skráir sig inn eða út úr kerfinu með CTS kortinu sínu, en þó aðeins ef einhverjar notkunarfærslur eru ósendar.

Þegar gögnin hafa verið send birtist þessi mynd.
Aldrei er hægt að tryggja að gögn sem geymd eru í vagntölvu glatist ekki og því leggjum við mikla áherslu á að gögnin séu send reglulega og sem oftast.
Til að senda gögn handvirkt er hægt að smella á hnappinn [Senda gögn] sem finna má í Grunnmynd.

Hjálparvalmynd

Tilgangur

...
Hér koma upplýsingar um verkkaupa t.d. stærð, vinnuumhverfi, stutt lýsing á starfsemi og annað það sem gæti haft áhrif á innsetningu kerfis.

Browser not supported