Page Comparison

Þegar bætt er við áætlun birtist skjámyndin hér að neðan.  Hægra megin birtast þjónustuþættir sem eftir er að skipuleggja þ.e. ákveða  hvaða hvaða daga þeir eru framkvæmdir og hvaða heimaliði sinnir þeim.

Byrjið á að birta „Takmarka birtingu“ „Takmarka birtingu“ og velja vakt sem vinna á með og síðan þann heimaliða sem kanna á hvort getur sinn sinnt þessum verkefnum. Við það að velja ákv. heimaliða þá birtast allar heimsóknir hans og auðvelt er að sjá hvort hann hefur lausan tíma og hvar. Ef hann hefur ekki nægan lausan tíma þá er næsti heimaliði valinn þar til heimaliði finnst sem sinnt getur hluta eða allri þjónustu sem þessi þjónustuþegi hefur þörf fyrir.  Ef samningurinn eða fyrsta heimsókn er ekki fyrr en í næstu viku, flettið þá yfir í næstu viku með hnappinum >> .

Nú dregurðu þjónustuþátt undir Óráðstafað yfir á þann dag og tíma sem framkvæma á þjónustuþáttinn, heimsókn myndast á þeim tíma með þjónustuþættinum og einnig birtist þjónustuþátturinn vinstra megin undir Ráðstafað.  Ef þessi heimsókn á að innihalda fleiri þjónustuþætti þá eru þeir einnig dregnir yfir á sama dag og tíma, og í hvert skipt sem þjónustuþætti er sleppt þá bætist hann við heimsóknina og birtist einnig undir  Ráðstafað.  Ef mynda á aðra heimsókn á öðrum degi og tíma þá eru þeir þjónustuþættir dregnir yfir á þann dag og tíma og við það myndast ný heimsókn með þeim þjónustuþáttum. Þetta er endurtekið þar til engir þjónustuþættir eru lengur undir Óráðstafað þ.e. búið er að ráðstafa þeim öllum.  Ef heimsókn inniheldur rangan þjónustuþátt er hægt að fjarlægja hann með því að velja hnappinn  FJARLÆGJA   undir Ráðstafað við þann þjónustuþátt sem á að fjarlægja, við það hverfur hann undir Ráðstafað og birtist aftur undir Óráðstafað.

Þegar búið er að ráðstafa öllum þjónustuþáttum og mynda þær heimsóknir sem áætlunin á að innihalda þá er fyrsta að sannreyna áætlunina með því að velja hnappinn  SANNREYNA   við það kannar kerfið hvort heimsóknir sem myndaðar voru á valinn heimaliða lendi í árekstri við aðrar heimsóknir hans.   Hægt er að virkja áætlun þó svo hún valdi árekstrum, mögulega þarf að lagfæra/breyta öðrum heimsóknum heimaliðans en þeim sem tilheyrir þessum þjónustusamningi og því leyfir kerfið þér að virkja þessa þjónustuáætlun með því að velja hnappinn   VIRKJA ÁÆTLUN       allt eftir hvaða ákvörðun þú tekur.

Einnig geturðu valið að vista áætlunina án þess að virkja hana strax með því að velja hnappinn  GEYMA, við það vistast áætlunin og þú getur haldið áfram með hana síðar.

Ef þú velur hnappinn   HÆTTA    þá hættir þú í þessari aðgerð og ef þú ert ekki áður búinn að vista áætlunina þá glatast þær breytingar sem þú hefur gert.