Hægt er að velja um mismunandi nákvæmni í dagatalinu þ.e. með því að velja hnappan hér til hliðar er hægt að velja á milli 5, 15 og 30 mín. tímaramma, þetta á aðeins við um viku- og dagsdagatalið þ.e. á ekki við um mánaðardagatalið.

Einnig er hægt að velja hvort dagatalið eigi að birta tíma samkvæmt valinni vakt eða birta 24 klst. dagatal. Hægt er að víxla á milli með því að velja hnappana hér til hliðar

þ.e. Sýna 24 klst og Sýna vakt.

Hér er hægt að takmarka hvaða heimsóknir eiga að birtast í dagatalinu við

neðangreind atriði. Ath. aðeins heimsóknir sem tilheyra því hverfi sem valið er birtast, hverfið birtist í rauðu línunni efst til hægri við hliðina á nafni þínu.

• Vakt: Hér er hægt að velja ákveðna vakt og birtast þá aðeins þær heimsóknir sem skráðar eru á viðkomandi vakt. Aðeins er hægt að velja vakt sem tengjast því hverfi sem valið er.
• Heimaliði: Hér er hægt að velja ákveðinn heimaliða sem skráður er á það hverfi sem valið er, við það birtast aðeins heimsóknir á viðkomandi heimaliða. Nú birtast allar heimsóknir á heimaliðann óháð hvaða hverfi þær eru skráðar á, þ.e. þó svo hverfið sé annað en það sem valið er í verkáætluninni.
• Þjónustuþegi: Hér er hægt að velja einn tiltekinn þjónustuþega og birtast þá aðeins heimsóknir til hans fyrir það hverfi sem valið er. Aðeins þeir þjónustuþegar birtast sem koma fyrir í dagatalinu sem birt er þ.e. ef aðeins einn dagur er birtur þá er aðeins hægt að velja úr þeim þjónustuþegum með heimsókn á þeim degi. Ef vika er valinn þá er aðeins hægt að velja úr þeim þjónustuþegum sem eru með heimsókn í valinni viku, sá á við ef tiltekinn mánuður er valinn. ATH. ef valinn mánuður, valin vika eða valinn dagur inniheldur ekki heimsókn til þess þjónustuþega sem þið ætlið að takmarka birtingu til er ekki hægt að velja hann, veljið fyrst t.d. mánuð sem þið vitið að inniheldur heimsókn til hans og takmarkið síðan birtingu við þjónustuþegann, að því loknu getið valið ákveðna viku eða ákveðinn dag.
• Þjónustuþörf: Hér er birtist listi yfir allar þjónustuþafir sem sveitarfélagið notar og hægt er að velja að birta aðeins heimsóknir með eina tiltekna þjónustuþörf.

Hægt er að takmarka birtingu samtímis við eitt eða fleiri atrið hér að ofan, aðeins heimsóknir birtast sem uppfylla öll valin skilyrði.

Ef búið er að takmarka birtingu þá er hægt að fjarlægja takmörkunina með því að velja bláa hnappinn fyrir aftan viðkomandi línu.

Einnig er hægt að velja:

• Sía á óráðstafa? Þegar Já er sett við þennan lið þá birtast aðeins heimsóknir sem enginn heimaliði er skráður á.
• Birta óvirka samninga? Þegar Já er sett við þennan lið birtast einnig allar heimsóknir sem tilheyra þjónustusamningum sem eru óvirkir.