Page Comparison

Keyrslumynd er mikilvægasta skjámynd þessa hugbúnaðar. Þar mun vagnstjóri eyða mestum tíma í hugbúnaðinum.

Eftir að leið hefur verið valin reynir kerfið að finna næstu biðstöð eftir gps hniti, ef ekkert gps hnit næst og kerfið getur ekki fundið biðstöð birtist myndin hér til hliðar þar sem vagnstjóri þarf handvirkt að velja fyrstu/næstu biðstöð.  Ef kerfið finnur biðstöð áður en vagnstjóri hefur valið biðstöð þá hverfur myndinn og keyrslumyndin hér fyrir neðan birtist.

Sjá Keyrslumyndina hér til hliðar, efst í henni birtist sú leið sem valin hefur verið, í línunni þar fyrir neðan birtist áfangastaður sem síðast var valinn, í línunni með textanum „Tilbúin til notkunar“ birtist heiti miða sem notaður var síðast ásamt gildistíma hans eða heiti takka ef síðasti farþegi notaði ekki CTS kort.

Þar fyrir neðan til hægri birtist heiti á núverandi eða næstu biðstöð, í þessu tilviki næsta: Kringlan.

Þar fyrir neðan til hægri birtist núverandi svæði/áfangastaður, í þessu tilviki: Reykjavík.

Ef Takkar hafa verið skilgreindir fyrir aðsókn án CTS korta, t.d. fyrir staðgreiðslu birtast þeir í neðstu línunni eins og sjá má á myndinni hér að ofan.

Aðeins þarf að ýta einu sinni t.d. á hnappinn [Staðgreitt] þá er mynduð innstigsfærsla fyrir staðgreitt. Aðeins eru birtir fjórir hnappar, ef þeir eru fleiri er hægt að birta þá alla með því að velja hnappinn [Allir], sjá myndina hér til hægri.

Ath. ekki þarf að ýta fast á skjáinn og alls ekki með oddhvössum hlut.

Ef akstri er lokið ber vagnstjóri kortið sitt að kortalesaranum og birtist þá staðfestingargluggi til að staðfesta að bílstjóri vilji ljúka ferð og skrá sig út.

Ef valið er [Já] þá eru öll gögn send ásamt Cts færslum. Á meðan sendingu stendur er upplýsingagluggi sem birtir framvindu þess. Þegar sendingu er lokið er í boði að velja [Áfram] og er þá farið aftur í Grunnmynd og ef ekkert er gert þá eftir 5 sekúndur yfir í Innskráningarmynd.

Ef breyta á um leið þarf bílstjóri aðeins að ýta á heitið á leiðinni, við það birtist listi yfir leiðir sem stofnaðar hafa verið í kerfinu (sjá hér til hægri) og hægt er að velja eina úr listanum með því að smella á hana með fingrinum. Hægt er að kalla fram fleiri leiðir með því að velja hnappinn [Næsta].

Þegar ný leið hefur verið valin birtist heiti hennar í Keyrslumyndinni.

Á keyrslumyndinni er hægt að sjá á hvaða stöð vagninn er staddur á og milli hvaða svæða er verið að fara. Þessar upplýsingar má finna neðarlega hægra meginn á skjánum.

Annaðhvort kemur heiti á einni biðstöð eins og sjá má á fyrri myndinni eða heiti á tveimur biðstöðvum eins og sést á seinni myndinni þ.e. frá biðstöð og til biðstöðvar. Sjá gula svæðið á báðum mynunum hér til hliðar.

Línan fyrir neðan heiti biðstöðva sýnir á milli (eða innan) hvaða gjaldsvæða er verið að aka, þ.e. „Frá {Upprunasvæði} til {Áfangasvæði}, í þessu tilviki „Zone2“.

Ef nafn á einni biðstöð er birt þá er vagninn á viðkomandi stöð en ef nafn á tveimur biðstöðvum birtast þá merkir það að vagninn er lagður af stað frá fyrri biðstöðinni og er á leið á næstu biðstöð sem er í þessu tilviki „Elko-Grensás“ en fyrri biðstöðin er „Elko“.

Ef breyta á um áfangastað þarf bílstjóri aðeins að ýta á heitið á áfangastaðnum, við það birtist listi yfir áfangastaði, hægt er að velja [Næsta] til að birta fleiri áfangastaði. Þegar nýr áfangastaður hefur verið valin birtist heiti hans í Keyrslu-myndinni.

Eins og komið hefur fram í Stjórnhlutanum geta miðar verið merktir að spyrja eigi um áfangastað, ef slíkur miði er á CTS korti farþega birtist sjálfkrafa listi yfir áfangastaði og bílstjóri þarf að velja viðeigandi áfangastað sem farþegi ætlar á. Að því loknu þarf farþeginn að bera CTS kortið sitt aftur að kortalesaranum.  Ástæða fyrir þessu er að áfangastaðurinn hefur áhrif á gjaldtökuna t.d. ef Farmiði 10 skipti er á kortinu þá er inneignin lækkuð um mismörg skipti eftir hvaða áfangastaður er valinn.

Hægt er að

Hægt er að gera skjáinn allveg svartan með því að smella hnappinn [Dimma]. Til að fara úr svarta haminum er svo ýtt hvar sem er á skjáinn.

Einnig er hægt að skipta yfir í næturliti með því að ýta á CTS lógóið upp í hægra horni skjásins.

Ef gps tæki nær ekki hnitum finnur kerfið ekki nýja biðstöð og getur vagnstjóri þá þurft að breyta um biðstöð handvirkt til að trygga að innstig séu skráð á rétta stöð og að rétt magn miða sé tekið af kortum.

Til að handvelja stöð er hægt að smella á gula svæðið sem má sjá á myndini hér til hægri með textanum „Elko -> Grensás“.

Við það birtist skjámyndin hér fyrir neðan með fyrirsögn „Handvelja stoppustöð“ og lista yfir þær biðstöðvar sem eru á valinni leið.  Vagnstjóri velur síðan rétta viðstöð með því að ýta á nafn hennar eða velja hnappinn [Næsta] til að birta fleiri biðstöðvar.

Þegar biðstöð hefur verið valin birtist keyrslumyndin aftur.

Kerfið heldur utan um hverja ferð, þannig að ef sama leið er ekin oftar en einu sinni sama dag er vitað hvaða innstig tilheyra hverri ferð. Kerfið veit hvaða biðstöð er endastöð fyrir hverja leið og eðlilega eru engin innstig á endastöð viðkomandi leiðar (ferðar) þ.e. endastöð einnar ferðar er upphafsstöð næstu ferðar (leiðar) því eiga innstig á þeirri biðstöð að tilheyra nýrri ferð/leið.

Því birtir kerfið þessa skjámynd þegar komið er að endastöð og mikilvægt er að vagnstjóri velji annað hvort að hætta akstri eða nýja leið. Í báðum tilvikum eru uppsöfnum gögn send í miðlægan gagnagrunn Curron og því mikilvægt að velja.

Í báðum tilvikum líkur einnig viðkomandi ferð en ef ný leið er valin þá hefst ný ferð fyrir valda leið.

Vagnhlutinn heldur utan um 100 síðustu aðsóknarfærslur og er hægt að skoða þær.

Til að gera það þarf að smella á miðjuhluta Keyrslumyndar, þar sem stendur „Tilbúin til notkunar“ á skjámyndunum hér á undan.

Við skoðun birtist fyrir hverja aðsóknarfærslu tími, miði sem notaður var og kortanúmer, ef takkar notaðir þá aðeins tími og heiti/skýringartexti hnapps.

Hér er hægt er að fletta fram og til baka með hnöppunum [<] til baka og [>] áfram, einnig er hægt að kanna hvort CTS kort hafi verið notað nýlega með því að bera það að kortalesara, við það leitar forritið að aðsóknarfærslu sem tengist kortinu og birtir ef færsla finnst.

Til að korthafi geti notað rafrænan farmiða verður miðinn að vera vistaður á kortið hans.  Í sumum tilvikum getur korthafi verið búinn að kaupa farmiða eða honum verð úthlutað farmiða en miðinn er ekki ennþá kominn á CTS kortið hans.  Dæmi um þetta er t.d. þegar korthafi kaupir farmiða í vefverslun þá verður til „hleðsla“ í miðlægum gagnagrunni CTS kerfisins sem segir að viðkomandi farmiði eigi að fara á tiltekið CTS kort, fyrr getur korthafinn ekki notað farmiðann. Þannig að þegar viðkomandi kemur í strætisvagn þá er farmiðinn ekki kominn á kortið hans og hann fær ekki aðgang, en þá getur hann upplýst vagnstjóra um að hann eigi hleðslu á kortið sitt. Vagnstjóri ýtir á hnappinn [Hleðslur] á keyrslumynd og skilaboð birtast um að setja kort í lesarann.

Við að setja kortið í lesarann tengist vagntölvan miðlægum gagnagrunni CTS og kannar hvort viðkomandi kort eigi hleðslu. Ef ekki þá birtist viðeigandi athugasemd og enginn miði er settur á kortið.

Ef aftur á móti er til hleðsla á kortið þá er hleðslan afgreitt þ.e. miðar samkvæmt hleðslunni eru settir á kortið, og viðeigandi upplýsingar birtast – sjá mynd til hægri.

Þegar hleðslunni er lokið fjarlægir farþeginn kortið sitt úr lesaranum og vagnstjóri velur hnappinn [Loka].

Ef kort er í lesara þegar ýtt var á [Loka] á seinustu mynd hér að ofan birtist myndin hér til hægri. Þetta er til þess að koma í veg fyrir að miði sé ekki tekinn strax af korti ef það var ekki ætlunin.

Þegar vagnstjóri hættir notkun á kerfinu þá þarf hann aðeins að bera CTS kortið sitt að kortalesaranum, við það birtist þessi skjámynd og notandi getur valið „Já“ til að hætta eða „Nei“ til að hætta við að hætta.

Þegar lokið er við ferð kannar forritið hvort eftir er að senda notkunarfærslur í miðlægan gagnagrunn CTS.  Ef svo er þá eru gögnin send (sjá viðkomandi aðgerð), að því loknu getur hann slökkt á tölvunni.