Yfirlit

Stillingar

Í þessum hluta getur hvert sveitarfélag/stofnun skráð sínar eigin stillingar sem hefur áhrif á ákveðna virkni í kerfinu.  Dæmi um stillingar eru:  Þjónustuflokkar, þjónustuþættir, þjónustuþörf, ástæður og fleira.

Umsóknir

Hér eru umsóknir stofnaðar og skráðar upplýsingar þeim tengdum, metin er þjónustuþörf hvers umsækjanda og ef umsækjandi uppfyllir ekki skilyrði um þjónustu er umsókninni hafnað með viðeigandi ástæðum. Ef umsækjandi uppfyllir skilyrði um heimaþjónustu er skráð samþykkt þjónustuþörf hans og umsóknin síðan samþykkt.

Þjónustusamningar

Þegar umsókn er samþykkt stofnast sjálfkrafa til þjónustusamningur fyrir umsóknina.  Í þessum hluta er útbúin ein eða fleiri þjónustuáætlun fyrir hvern þjónustusamning eftir hvort margar vaktir þarf til að sinna viðkomandi þjónustuþega.

Hver þjónustuáætlun inniheldur allar heimsóknir til viðkomandi þjónustuþega, framkvæmdardagur og framkvæmdartími er þekktur fyrir hverja heimsókn, hvaða heimaliði á að sinna henni og hvaða framkvæma á í viðkomandi heimsókn.

Mögulega er ekki hægt að uppfylla alla samþykkta þörf og í þeim tilvikum inniheldur þjónustuáætlunin ekki alla þjónustuþætti eða minna umfang en samþykkt var fyrir viðkomandi þjónustuþega.

Ef breyta þarf mikið þjónustuáætlun er einfalt að útbúa nýja áætlun og óvirkja eldri áætlun.

Verkáætlun

Í þessum hluta fæst góð yfirsýn yfir skipulagða heimaþjónustu á sjónrænan hátt og því m.a. fljótlegt að sjá hvort heimaliði hefur lausan tíma eða er of hlaðinn verkefnum.

Hægt er að skoða heilan mánuð, viku eða ákveðinn dag. Litir eru mikið notaðir til að auðvelda sjónræna skoðun, m.a. til að upplýsa hvort heimsókn sé lokið, hætt hafi verið við heimsókn, hvort heimsóknir lenda í árekstri,  hvort heimsókn sé skráð á heimaliða sem er fjarverandi, hvort heimsókn sé ekki skráð á heimaliða, þjónustuþörf þjónustuþega og fleira.

Hægt er að velja að birta aðeins: Heimsóknir sem til heyra ákveðinni vakt, heimsóknir sem ákveðinn heimaliði á að sinna, heimsóknir til ákveðins þjónustuþega, heimsóknir til þjónustuþega með t.d. mjög mikla þörf.  Og einnig sambland af þessum valmöguleikum.

Einfalt er að framkvæma breytingar á heimsókn, m.a. skipta um heimaliða, breyta framkvæmdardegi/tíma, hætta við heimsókn, breyta umfangi þjónustuþáttar í heimsókninni og bæta við þjónustuþætti í heimsóknina. Einnig er hægt að láta breytingar ná til allra endurtekninga heimsóknarinnar fram í tímann, nema þegar þjónustuþætti er bætt við þá á sú breyting aðeins við valda heimsókn.

Reglulega þarf að endurmeta þjónustuþörf þeirra sem fá heimaþjónustu. Þessi hluti CareOn er notaður fyrir það.  

Þegar valið er að framkvæma endurmat fyrir þjónustuþega þá verur til endurmat fyrir hann. Þegar niðurstaða endurmats liggur fyrir er hún skráð í endurmatið og það annað hvort hafnað eða samþykkt. Ef niðurstaðan er að þjónustuþeginn uppfyllir ekki lengur skilyrði um heimaþjónustu þá er niðurstaða endurmatsins HÖFNUN, ef aftur á móti hann uppfyllir skilyrði þá er samþykkt þörf hans skráð og endurmatið fær stöðuna SAMÞYKKT.

Þegar endurmat er samþykkt verður til nýr þjónustusamningur.  Ef þjónustuþörfin breytist ekkert þá þarf notandi ekki að framkvæma nýja þjónustuáætlun. Ef þjónustuþörfin breytist lítið þá þarf notandi ekki að útbúa nýja þjónustuáætlun fyrir alla þjónustuna, heldur getur hann afritað núverandi þjónustuáætlun yfir í nýja og þarf aðeins að bæta við nýrri þjónustu eða fella niður ef hætta á einhverri þjónustu.

Í þessum hluta er unnið með upplýsingar CareOn, bæði með OLAP greiningartækninni og einnig hefðbundinni skýrslugerð.

CareOn mun halda utan um mikið magn að gögnum sem eru mjög verðmætar upplýsingum fyrir sveitarfélög og stofnanir. Þær munu m.a. skapa þeim mikið tækifæri til að bæta þjónustuna og auka hagkvæmni við framkvæmd þjónustunnar.